კლუბი “სპაერი” 2017 წელს თბილისში, სახელმწიფო დაცვის სპეციალური სამსახურის (სდსს) ბაზაზე ჩამოყალიბდა. კლუბის სახელიც სწორედ სამსახურის სახელწოდებიდან მომდინარეობს.

თავდაპირველად, გუნდი დაკომპლექტებული იყო სამსახურის თანამშრომლებით და სამოყვარულო დონეზე, საქართველოს რანგით მე-5 ლიგაში ასპარეზობდა. თუმცა, კლუბის მენეჯმენტისა და ფეხბურთელების ამბიცია გაცილებით დიდი იყო. ეტაპობრივი და სწორი განვითარების შედეგად, “სპაერი” სამოყვარულო კოლექტივიდან სრულად პროფესიულ კლუბად გარდაიქმნა.