საფეხბურთო კლუბი “სპაერი”
საფეხბურთო კლუბი სპაერი 2017 წლის 1-ლ მარტს დაფუძნდა. დაფუძნების დღიდან კლუბის მიზანი იყო ხელი შეეწყო ფეხბურთის, სპორტისა და ზოგადად ჯანსაღი ცხოვრების წესის განვითარებისა და პოპულარიზაციისთვის.
გუნდი თავდაპირველად სამოყვარულო ლიგაში თამაშობდა, ხოლო 2017 წელს რეგიონულ ლიგაში გადმოვიდა. 2017-2018 წლების განმავლობაში გუნდს წაუგებელი სერია ჰქონდა, დაახლოებით 40 მატჩის (ამხანაგური/ოფიციალური) ჩატარების შემდეგ გუნდის შედეგი მხოლოდ 2 ფრე და 0 წაგება იყო.
2019 წელს სპაერი ლიგა 4-ის გამარჯვებული გახდა და ლიგა 3-ში ასპარეზობის უფლება მოიპოვა; გუნდი 2020 წელს ლიგა 3-ში მეოთხე ადგილზე გავიდა, მაგრამ 2021 წელს სპაერი ლიგა 3-ის გამარჯვებული გახდა და ლიგა 2-ში ასპარეზობის უფლება მოიპოვა.
ლიგა 2-ში სადებიუტო წელსვე (2022 წელს) სპაერმა მეორე ადგილი დაიკავა, 2023 წელს კი – მესამე, ზედიზედ ორჯერ სპაერმა შეძლო, რომ უმაღლესი ლიგისთვის ფლეი-ოფში ეთამაშა.
მთავარი გუნდის გარდა, 2024 წელს ჩამოყალიბდა სპაერი 2, რომელიც რეგიონულ ლიგაში ასპარეზობს. ამასთანავე, დღესდღეობით, კლუბი მოიცავს საფეხბურთო აკადემიასაც, რომელშიც 300-მდე ბავშვი ირიცხება და სპაერის ასაკობრივი გუნდები წარმატებით ასპარეზობენ ,როგორც ჭაბუკთა ლიგაზე, ასევე ელიტ ლიგასა და თბილისის ლიგის ჩემპიონატებში. აღსანიშნავია, რომ 2023 წელს ასაკობრივ კატეგორიაში – U19 – სპაერის ფეხბურთელები წაუგებელი სერიით გახდნენ ვერცხლის ლიგის გამარჯვებულები და დღეს ისინი ოქროს ლიგაში ასპარეზობენ.
კლუბის საორგანიზაციო სტრუქტურა
სტრუქტურის ძალაში შესვლის თარიღი: 01.09.2024